Neo-marxisme in die kerklike lewe

Abstract

Dit is makliker om oor die teologiese en filosofiese aspekte van die neo-marxisme te spreek as om iets oor die openbaring en toepassing daarvan in die kerklike lewe te sê. Ek beweer dit sonder refleksie op die hoofbestuur wat my hierdie taak opgedra het of op prof. Floor wat hom op uitnemende wyse van sy deel van die taak gekwyt het, al is dit die maklikste deel. Maar ek beweer dit omdat ek al lesende en studerende oor die saak gestuit het teen die verskynsel dat die dinge op die teologiese én kerklike terrein so vervleg is, dat die neo-marxistiese invloed dikwels moeilik uitkenbaar is.