’n Kritiese beskouing van Deist se 'n abc van Bybeluitleg'

Abstract

Die uitlegkunde dateer al vanaf die eerste woorde wat die mens gesê het naamlik: sy sal mannin genoem word. Hy, of die skrywer moes dit dadelik verklaar: want sy is uit die man geneem. As ons dié verklaring wou tipeer sou ons kon sê dit is ’n pragtige voorbeeld van rabbynse uitleg (midrasj) want ’isjsja (met wortel: ’enoosj) en ’isj (met wortel: ’usj of’isj) het taalkundig niks met mekaar te doen nie. Maar afgesien van die vraag of Adam Hebreeus gepraat het, is daar tog ’n ooreenkoms tussen man en vrou soos, daar ’n (klank) ooreenkoms is tussen ’isj en isjsja.