Roeping

Abstract

Die woord roeping is in die kringe van ons Universiteit ’n alledaagse woord. Dit geld veral met betrekking tot die fakulteite Teologie en Opvoedkunde. In die omgangstaal is die woord tewens sedert die Middeleeue gereserveer om ’n paar sogenaamde bevoorregte beroepe, waaronder veral die verbonde aan die kerk (Cf. Ruth D. See 1953. p.42) en later die onderwys aan te dui. Vir die beroepe, so word verklaar, moet mens ’n roeping hê voordat jy die verantwoordelikhede daaraan verbonde kan nakom (Cf. Barry p. 9).