Bouke Spoelstra: 'n blyk van waardering

Abstract

Hiermee wil ons Bouke Spoelstra se aandeel aan die werksaamhede van die Kerkhistoriese Werkgemeenskap van Suider-Afrika in oënskou neem. Een van die voordele van die stigting van die Kerkhistoriese Werkgemeenskap op 1 Oktober 1970 was dat waar ons mekaar tevore uit geskrifte geken het, ons nou persoonlik kennisgemaak het. So het die naam Bouke Spoelstra, bekend uit sy geskrifte, veral sy proefskrif Die Doppers in Suid-Afrika (1760-1899) en sy aan­ deel aan die Handleiding by die Kerkorde, nou vir ons 'n gesig gekry en het hy vanweë ons jaarlikse kontak by die byeenkomste 'n gewaardeerde vriend geword.