Editorial

Abstract

In die Skriflig word deur die Gereformeerde Teologiese Vereniging uitgegee en is as sodanig nie die blad van ’n bepaalde universiteit of teologiese fakulteit nie. Daar is egter ’n besondere band met die teologiese fakulteit en universiteit op Potchefstroom en die kantore van die tydskrif is ook in Potchefstroom gesetel. In die Skriflig het dus belang by die samesmeling van enkele hoër opvoedkundige inrigtings op 1 Januarie 2004 waaruit die Noordwes-Universiteit gebore is. Hierdie uitgawe is die eerste uitgawe waar bydraes van navorsers in Potchefstroom nie meer onder die vaandel van die PU vir CHO (Potchefstroomse Universiteit vir Christelike Hoër Onderwys) geplaas word nie, maar onder die vaandel van die Potchefstroomkampus van die Noordwes-Universiteit.