Kerkverband ’n Gereformeerde-kerkregtelike oorsig

Abstract

Die begrip kerkverband is ’n uitdrukking waarmee die gereformeerde kerkreg dikwels opereer, en tog kom dit as sodanig nie in die Nuwe Testament voor nie (Bouwman, I, 1928, p.244; Pont, 1981, p.23). Daarenteen staan die woord kerk (ekklésia) in die Nuwe Testament besonder sentraal. Dit is feitlik vanselfsprekend dat ’n suiwere Nuwe Testamentiese kerkbegrip die voorwaarde is vir die korrekte siening van die begrip kerkverband.