Onderlinge verhouding van Skrif en Belydenis

Abstract

Dat die vraagstuk waarmee ons hier te doen het tans van die uiterste aktualiteit is in die Christelike kerk sal vir elkeen wat enigsins op hoogte is met die kerklike en teologiese diskussie van ons tyd, met die eerste oogopslag duidelik wees. Berkouwer het in sy geskrif ‘Verontrusting en Verantwoordelikheid’ ten opsigte van die defensief en die offensief in die kerklike stryd rondom die huidige verontrusting in Nederland verklaar dat daar in ons tyd meer en meer aarselinge en vraagtekens in die plek kom van vroeëre stellighede en uitroeptekens.