Die Gereformeerde Kerkverband as societas van plaaslike gemeentes

Abstract

Gijsbert Voet noem die samewerking tussen plaaslike gemeentes correspondentia, wat algemeen — maar onnoukeurig en dubbelsinnig — gewoonlik vertaal word deur ‘kerkverband’. Daardie verband tipeer hy op baie maniere. Een daarvan is die benaming mutua societas, terwyl hy die gemeentes as socii aandui. Wat bedoel Voet met hierdie uitdrukkings? Die agtergrond van die gemene reg van sy tyd kan moontlik opheldering gee. Die Latynse woord societas kan beteken bondgenootskap, deelneming, gemeenskap, geselskap, handelmaatskappy, vennootskap, verbond. Socius is bondgenoot, metgesel, deelgenoot, kompanjon, lid van ’n vennootskap.