Die boek Openbaring vanuit die sentrum

Abstract

Met Openbaring 10 en 11 staan ons in die sentrum van die boek; of; op ’n bergtop, want die geskiedenis van die openbaring het nou geword openbaring van die geskiedenis. Hier voer die boek Openbaring ons op ’n hoë bergtop. Dis een van die voorregte dat die boek ons die dinge van bo laat sien, en ver laat sien oor die geskiedenis, van die begin na die einde; en ook diep laat sien in die geskiedenis en in die betekenis en sin van die geskiedenis.